Thomas Partey ba zai buga wa Ghana a wasan farko na Kofin Duniya da Panama ranar Laraba ba, bayan wata kotun tarayya da ke Ottawa ta ƙi yarda da roƙon da aka shigar don ba shi damar shiga Kanada.

An ki ba Partey bizar Kanada sakamakon hukuncin laifin da ake bi da shi a Burtaniya. Gwamnatin Ghana ta shiga tsakani, tana neman izini na musamman don a ba Partey damar shiga ƙasar na ɗan lokaci don ya shiga gasar.

An gudanar da zaman sauraren roƙon a ranar Talata a gaban kotun tarayya da ke Ottawa, amma ƙoƙarin soke ƙin bizan ya ci tura, wanda ya tabbatar cewa Partey zai rasa wasan da Ghana za ta buɗe yaƙin neman kofin duniya.